Gagauziya Başkanı Evgeniya Guțul gagauz dilindä genel diktantına katıldı

Ay-Boba Mihail Çakirin Duuma günündä, Gagauziyanın öndecileri hem yaşayannarı anılmış aydınnadıcının Çadırda anmak taşına çiçekleri koydu.

„Sevindim, ani bukadar çok üürenici geldi bu şannı adamı anmaa hem gagauz dilindä genel diktantında pay almaa, angısına büük havezlän kendim da katıldım. Mihail Çakir, bizim vakıdımıza görä dä, pek üürenilmiş bir insandı. Ruh bilgilerini alıp, o bütün yaşaması üürendi hem birkaç dildä kolay lafedärdi: gagauzça, moldovanca, rusça. Gagauz aydınnadıcısı Bibliyayı ana dilimizä çevirdi, nedän sora kliselerdä seftä gagauz dilindä Allaha dua etmää başladılar. Çakir kendi ardında büük izleri braktı, angılarından biz büün dä, üz yıldan sora, ihlam alêrız“, — söledi Gagauziya Başkanı Evgeniya Guțul.