mobile
Büün biz nışannêêrız biz gözäl datayı — 30-cu yoldönümünü, nicä Moldova Respublikasının Parlamenti "Gagauziya (Gagauz Yeri) ATB ayırı yuridik statusu için" Kanonunu kabletti.
Dekabrinin 23-ü — birliimizin hem Moldova Respublikasının içindä kalkınmaa istemeklerimizin yortusu. Otuz yılın içindä gagauz halkı büük yolu geçti. Biz temeldän kurduk kuvet organnarını, başladık ekonomika kalkınmasını, unikal soțial porgramalarını çekettik gerçekleştirmää, koruduk gagauz dilini hem yavaş-yavaş onun kullanmak sferasını genişlederiz.
Biz koruduk adetlerimizi hem açtık onnarı dünneyä. Biz koruduk annaşmayı Gagauziyada yaşayan hepsi halkların aralarında — bu önemni bir iş.
Bu gün biz anêêrız onnarı, kim gagauz ruhunun dirilmesi için çalıştı, Gagauz Respublikasını kurdu, merkez kuvetlerinnän dartışmaklarda hem avtonomiyanın kurulmasında pay aldı. O çetin temeli, angısında biz düzeriz Gagauziyayı, kurdu diil bir evlad boyu.
İlerdä bizi bekleer başka zorluklar, angılarını biz lääzım geçirelim. Biz savaşacez yapmaa hepsini, ani Moldovanın "Gagauziya (Gagauz Yeri) ATB ayırı yuridik statusu için" Kanonu işlesin bütündän. Ani bizim kanonu saysınnar hem tanısınnar.
Paalı dostlar!
Ko bu yortu versin bizä havez ileri dooru gitmää!
İnanêrım, ani barabar biz düzäbilecez Gagauziyayı, angısınnan hodullanacek herkerzi, neredä isteyeceklär kalmaa bizim uşaklar hem unukalar.
Duuma günüünän, benim Gagauziyam!