mobile
Paalı vatandaşlar!
Büün biz nışanêêrız 35-ci yılı, nicä gagauz halkı bütün dünneyä kendini işittirdi da söledi, ani onun var hakı kendi topraanda çorbacı olmaa.
Avgustun 19-da 1990 yılda bizim bobalar hem dädular toplandılar bireri da Gagauz Respublikasını kurdular. Butürlü biz gösterdik, ani biz dayanmayacez baskıya hem ani biz isteeriz topaamızda olsun usluluk.
Geçmiş yıllardan sora biz genä karşılaşêrız hep o belaylan — merkez kuvetlerin baskısınnan, kendi olannarına hem yabancılara insannarı pay etmäklän, sesimizi bastırmaklan.
Bana karşı daavanın kararı — o Gagauziyanın özel statusuna karşı bir ataka. Bizim elimizdän savaşêrlar almaa hakımızı kendi başkanımızı ayırmaa.
35 yıl geeri biz gösterdik, ani var nasıl kendimizi koruyalım. Bunu gösterecez büün dä. Gagauziya vardı, var hem olacek serbest hem kaavi insannarın evi, angıları hazır çalışmaa hem yaşamaa avtonomiyada baamsız Moldova Respublikasının içindä.
Ko bü gün olsun bizim birliimizin hem gözäl gelecek zamanına inanımızın simvolu!
Yaşasın Gagauziya!
____
Текст передан через адвокатов Евгении Гуцул и опубликован пресс-службой Башкана и Исполнительного комитета АТО Гагаузия.