mobile
Büün devletimiz nışannêêr önemni bir yortuyu — Moldova Respublikasının baamsızlık gününü. Bu yortu getirer aklımıza halkımızın istediini serbestliktä yaşamaa hem kendibaşına geleceeni kurmaa.
Gagauzlara, nicä dä devletin hepsi yaşayannarına deyni, baamsızlık – o bir kolaylık korumaa kulturamızı, dilimizi, adetlerimizi hem kolaylık birleşik devletimizdä işidilmiş olmaa.
Ama biz annêêrız, ani bizim güreşmemiz taa bitmedi. Biz lääzım etişelim halizdän baamsızlaa – osoy bir devletä, neredä herbir vatandaşın hakları sayılêr, neredä kapamêêrlar bakışlar için, neredä serbestlik o diil lozung, ama halizdän bir iş.
Bizim halkımız bütün kuvedini koyer Moldovanın baamsızlıını güçlendirmää deyni. Biz ödeeriz vergileri, kanonnarı sayerız, armata yapêrız, devlet intereslerini savaşêrız korumaa halklararası uurunda. Bizim var hakımız istemää, ki bizim etkilerimiz, angıları yazılı Konstituțiyada hem Gagauz Yeri özel statusu için Kanonda, sayılsınnar.
Sanêrım, ani devletin gelecek öndercileri halizdän tanıyaceklar gagauzların hem başka halkların yaptıklarını Moldovanın ilerlemesi için.
Biz inanêrız, ani Moldovanın gelecää düzülecek doorulukta hem dostlukta. Sade barabar biz geçiräbilecez hepsi zorlukları hem uşaklarımıza deyni aydınnı yaarınkı günü kuracez.
Bütün ürektän kutlêêrım Moldovanın yaşayannarını bu yortuylan! Ko herbir evdä olsun usluluk hem varlık, herbir vatandaşın canında da – yaarınkı günä inanmak hem Vatanımız için hodulluk!
Evgeniya Guțul,
Gagauziya Başkanı
_____
Tekst yollandırıldı Evgeniya Guțulun advokatlarından hem yayınnandı Başkanın hem Bakannık komitetin pres-slujasınnan