mobile
Gagauziya Başkanı İrina Vlah buluştu sayın Selda Özdenogluynan, TİKA agenstvosunun koordinatorunnan. Buluşmakta pay aldı sayın Hatice Metin Kuşçu, Türkiyädan arhitektor, angısı önderci olacek İndustrial koledjinin düzmäk işlerindä.
İrina Vlah hem TİKAnın başı konuştular proektlär için, angıları yapıldı Gagauziyada 2020-nci yılda. Gagauziya Başkanı şükür etti Selda Özdenogluya pandemiyayı ensemää deyni yardım için.
Başkan çizgiledi başka bir proektin lääzımnıını da – Komratta hem Çadırda okulların örtülerin diiştirilmesi. Bu işlerä Türkiyänin yardımınnan harcandı 1,5 milion leydän zeedä.
Ayırı Başkan hem TİKA koordinatoru konuştular Komratta Recep Tayyip Erdogan adına Etim kompleksinin düzülmesi için. Yakın zamanda TİKA geçirecek bir tender da ayıracek kompaniyayı, angısı alacek üstünä bu proekti. İndustrial koledjinin düzülmesi başlayacek 2021-nci yılda.