mobile
Gagauziya Başkanı İrina Vlah buluştu sayın Hasan Akdogannan, Türkiyenin Komratta Konsolosunnan. Görüşmektä laf gitti pandemiya hem soțial-politika durumu için Gagauziyada hem bütün Moldovada.
Sayın Konsolos Türkiye dış işleri Bakanın, sayın Mevlüt Çavuşoglunun adından teklif etti Başkanı pay almaa Diplomatik forumunda, angısı geçecek Antalyada kirez ayın 18-20-dä. Toplantı hazılanêr Türkiye Cumhurbaşkanın, sayın Recep Tayyip Erdoganın inițiativasına görä.
Forumda pay alaceklar bütün dünyanın liderleri hem halklararası kurumnarın öndercileri, angıları kaldıraceklar krizislarlan baalı soruşları.
İrina Vlah hem sayın Akdogan lafettilär proektlär için da, angıları Gagauziyada Türkyenin yardımınnan yapılêr.