mobile
Oktäbrinin 21-dä Gagauziya Bakannık Komitetindä geçti tanışmak Türkiyänin eni başkonsolosunnan Komratta Edaylan Güç.
Gagauziya Başkanın Evgeniya Guțulun adından diplomatı sıcak selemnedi Bakannık komiteti başın ilk yardımcısı İlya Uzun, o kutladı başkonsolosu hem diledi ona büük başarılar.
Oturuşta söz gitti Gagauziya hem Türkiyä aralarında işbirlik için hem proektlär için, angıları avtonomiyada Türkiyänin yardımınnan yapıldı.
Bakannık komietindä çizgiledilär, ani Türkiyänin yatırımnarı pek ömemni Gagauziyanın yaşayannarına deyni. Onnarın yardımınnan soțial infrastrukturası enilendi, insannarın yaşamak kalitesi diişildi, açıldı eni kolaylıklar Gagauziyanın ilerlemesi için.
Gagauziya kuvetlerin temsilcileri hem başkonsolos kısadan konuştular avtonomiyada hem bütün Moldovada soțial-politika durumu için.
Buluşmanın sonunda Bakannık komiteti başın ilk yardımcısı telif etti başkonsolosu "Gagauz Şarap Yortusu" festivalindä pay almaa.