mobile
Gagauziya Başkanı İrina Vlah buluştu Türkiye Cumhuriyeti Moldovada Büükelçisinnän, Sayın Gürol Sökmensüerlän. Sayın Büükelçi tamannêêr kendi mandatını Moldova Respublikasında.
İrina Vlah çizgiledi, ani avtonomiyada çok saygı duyêrlar Türkiyenin her taraftan yardımını gagauz halkına.
"2015-nci yıldan beeri Türkiye pek diişildi. Türkiyenin soțial hem ekonomika kalkınması sevindirer. Bu yıllar diildi kolay, bu yıllarda vardı büük zorluklar hem krizislär, ama onnar durgutmadı Türkiyenin gelişmesini. Büün sizin devletinizin tanıdılmış regional hem global avtoriteti var. Bunnar aslıya çıktı, çünkü Türkiyenin var arif hem kaavi öndercisi, angısı kurdu en kuvetli takımnarın birisini. Biz pek kısmetliyiz, ani var bölä dostlarımız. Biz sonsuz şükürüz avtonomiyanın soțial-ekonomika kalkınmasına büük yardım için. İsteeriz tutasınız aklınızda, ani Moldovada Sizin var gerçek dostlarınız", - söledi İrina Vlah.
Kardaşlık baalantılarını gagauz hem türk halkları arasında kaaviletmäk için hem Gagauziyada bir sıra altyapı proektlerini desteklemäk için Gagauziya Başkanı ödülledi Sayın Büükelçiyi Mihail Çakir ordeninnän.