mobile
Gagauziyanın 30-cu yıldönümünä karşı Avtonomiyanın Başkanı Evgeniya Guțul hem GHT başı Dmitriy Konstantinov buluştular vatandaşlarlan, angıları yaşêêrlar İstanbulda hem Türkiyänın başka kasabalarında.
„Buluşmakta biz getirdik aklımızıa, ani gagauz halkı geçti zor yolu istoriyasında, ama kazandı kendi hakını ii yaşamaa hem soțial-ekonomika uurunda kalkınmaa baamsız Moldova Respublikasının içindä.
Büün Gagauziya gider ileri, bakmayarak mekez kuvetlerinin tarafından baskıya.
Biz düzeriz yolları, remontlêêrız uşak başçalarını, okulları hem saalık merkezlerini, lääzımnı soțial hem ekonomika programalarını gerçekleştireriz. Mețenatların yardımınnan pensiyacılara, üredicilerä, Gagauz Respublikasının vaterannarına herbir ay para ödeeriz“, — çizgiledi Gagauziya Başkanı buluşmaktan sora.