mobile
Gagauziya Başkanı İrina Vlah buluştu sayın Selda Özdenogluynan, TİKA agenstvosunun koordinatorunnan Moldovada. Görüşmektä söz gitti İndustrial koledjini düzmää deyni hazırlanmak işleri için.
İrina Vlah açıkladı, ani Gagauziya Bakannık Komiteti başardı hazırlanmak işlerini erdä, neredä kalkınacek koledj. Sonuna yaklaştı proekt, angısı baalıydı direklerin geçirilmesinnän.
Başkan çizgiledi, ani Avtonomiyanın öndercilii sayêr bu proekti prioritetlı, çünkü o ekonomikanın industrializațiyasına yardımcı olacek hem verecek kolaylık hazırlamaa kvalifikațiyaylan uzmannarı.
İrina Vlah hem TİKA koordinatoru konuştular kolaylık için Gagauziyaya COVID-19 hastalıından korunmak ekipmannarını getirmää.
Başkan teklif etti sayın Özdenogluyu Gagauziyaya barabar kontrol etmää Türkiye finans yardımınnan yapılan proektleri.