mobile
Sayın Recep Tayyip Erdogan kabul etti Gagauziya Başkanını İrina Vlahı. Buluşmakta laf gitti soțial-ekonomika hem politika soruşları için hem COVİD-19 pandemiyasını ensemää deyni adımnar için.
Türkiye Cumhurbaşkanı meraklandı Gagauziyada yapılmış proektlär için, angıları Türkiye yardımınnan oldu.
Gagauziya Başkanı danıştı sayın Cumhurbaşkana yardım için COVİD-19 vakținasını kabletmää deyni.
Cumhurbaşkan verdi kayıllık yardım etmää Moldovaya da yollamaa bizim devletimizä bir partiya vakțina
İrina Vlah annattı sayın Cumhurbaşkana nicä Gagauziyada gider en büük altyapı proektleri – sportkompleks, su sistemasına baalanmak, İndustrial koledji.
Başkan şükür etti sayın Recep Tayyip Erdogana yardım için gagauz halkına.
Buluşmakta sayın Cumhurbaşkannan pay aldılar sayın dış işleri Bakanı Mevlüt Çavuşoglu hem Moldova Büükelçisi Dmitriy Kroytor.